BLOG DE 1º E 2º CURSOS DO CEIP PLURILINGÜE A PEDRA DE BUEU

BLOG DO 1º E 2º CURSOS DO CEIP PLURILINGÜE A PEDRA DE BUEU

lunes, 7 de marzo de 2011

ENTROIDO

Este ano o ENTROIDO chegou tarde, mais chegou. Durante toda a 1ª semana de marzo estivemos celebrándoo no cole dun xeito divertido:
O LUNS PISPIRETO PINTA O TEU CARETO;
O MARTES FLORIDO LEVA UN GORRO DIVERTIDO;
O MÉRCORES XEITOSO LEVA ALGO NO PESCOZO;
O XOVES DO REVÉS PONTE ALGO NOS PÉS;
O VENRES FESTIVO DISFRÁZOME E DESFILO.
E así foi, o venres día 4 disfrazámonos todos os nenos do cole e xuntos fixemos un pasarrúas por Bueu que foi dende o colexio de Primaria pasando polo de Infantil ata a praza do Concello. Alí actuamos por ciclos e voltamos para o cole de novo. Chegamos tan cansos que subimos ás clases e... alí esperábanos unha merenda xenial: chulas, filloas, orellas... ¡que ricas estaban!
Este ano o tema do Entroido eran os VALORES, por iso convertímonos nunha comparsa: OS CANTARRISAS onde os de 1º disfrazámonos de MÚSICA e os de 2º de PALLASOS, levando ledicia e cancións a todo o mundo. Todos aprendimos e cantamos esta cantiga:
NO 1º CICLO SEMPRE IMOS CANTANDO ¡HEY!
IMOS BAILANDO ¡HEY! E RISAS DANDO ¡HEY!
COMO SOMOS MÚSICA ALEGRÍA DAMOS
OS DE 1º SOAMOS ASÍ: POM, POM...
NO 1º CICLO SEMPRE IMOS CANTANDO ¡HEY!
IMOS BAILANDO ¡HEY! E RISAS DANDO ¡HEY!
ESTE ANO SEN FRONTEIRAS SOMOS PALLASOS
OS DE 2º FACÉMOSVOS RIR: JAJAJA...
NO 1º CICLO SEMPRE IMOS CANTANDO ¡HEY!
IMOS BAILANDO ¡HEY! E RISAS DANDO ¡HEY!
NÓS QUEREMOS QUE VIVADES ILUSIONADOS
E CELEBRAMOS O ENTROIDO ASÍ.
Temos que recoñecer que nada disto poderíase facer sen a colaboración das nais que viñeron a axudarnos a facer os disfraces nas súas horas libres, e que tiveron a paciencia de maquillar aos nenos durante toda a semana. MOITAS GRAZAS!!!



VISITA AO MUSEO MASSÓ

O 24 de febreiro foi o día no que a chuvia deunos unha tregua e puidemos ir visitar o Museo Massó de Bueu. Unha vez alí vimos unha película sobre a batalla de Rande e despois visitamos o Museo: os utensilios da carpintería de ribeira, as latas de conservas, as vellas máquinas de escribir e de fichar da conserveira, os arpóns da caza das baleas, os dentes de balea esculpidos... e na parte superior visitamos os mapas, os globos terráqueos, os libros de navegación, a bitácora, os astrolabios... Despois saímos do Museo para ir ao peirao a ver as embarcacións tradicionais de pesca: a dorna, o bote polbeiro, as traíñas... Finalmente visitamos o vello estaleiro onde construían antigamente ditas embarcacións. Deunos pena velo no estado no que está, esperamos que o recuperen!

Pili explicounos todo de marabilla e aínda que algúns xa coñecían o Museo, gustounos moito volver a velo de novo. Ata a próxima!





LinkWithin

Related Posts Plugin for WordPress, Blogger...