NOVAS PUBLICACIÓNS

Informamos a toda a comunidade educativa de que todas as novas publicacións referidas as actividades realizadas no centro se farán no seguinte enderezo, grazas pola atención!!

https://www.edu.xunta.gal/centros/ceipapedra/?q=blogdocentro

MEDRANDO EN DEREITOS

Como colofón a este curso e ao proxecto do curso 18-19, o alumnado de 1º de primaria participou na gravación dun vídeo sobre os Dereitos Humanos que lles axudou a entendelos mellor.

Foi un duro traballo pero por fin aquí está o resultado.

Noraboa rapaces e rapazas polo voso esforzo! 👏👏👏

Gozade do vídeo!

ÚLTIMA SEMANA DE CURSO

Ufff! Que vida tan ajetreada! Esta última semana do curso 2018-19, foi moi intensa. Participamos en moitísimas actividades, algunhas feitas por nós e outras ás que nos invitaron.
Mirade, mirade...

Asistimos como público ao teatro "CHÍMPATE PEPA", interpretado polo alumnado de 3ºB.

Asistimos tamén á función de fin de curso que realizaron como despedida os compañeiros de 2º. Fixeron moitísimas cousas, teatro, baile, linguaxe de signos, coreografías... Estivo xenial!

Ademais, o último día de clase houbo unha exhibición de TAEKWONDO na que participaron moitos dos nosos compañeiros: Manuel, Iván, Daniel, Anxo Lemos, Lola, Kidist, Xaquín, Iago, Elisa...

Para finalizar o acto houbo unha entrega de premios aos nenos e nenas que acertaron as preguntas do concurso: QUE SABES DE ANTÓN FRAGUAS?

Os premiados foron: 
1º E.P.. Alexandre Calviño Millán, Noa Cordeiro Piñeiro, Pablo Verde Castro e Anxo Lemos Taboada. 
2º E.P.: Valeria García Verde, Eloy Araujo Patiño, Mariña Santiago Pazó e Carmen Pazó Rodríguez.
Noraboa a todos eles!!!

E como colofón final, tomamos unha merendola nas clases e as profes nos agasallaron cunha tarta de chuches para todos!!! Foi un final de curso moi doce😋

FELIZ VERÁN A TODOS E TODAS!!!

MÁIS APADRIÑAMENTOS...

Hoxe tocounos a nós ser os apadriñados. O alumnado de 4º veu buscarnos para contarnos un conto que prepararan para nós. Ao finalizar agasalláronnos con debuxos ou marcapáxinas do conto. Foi unha actividade moi bonita.
Grazas compañeiros e compañeiras!

EXCURSIÓN FIN DE CURSO 2019

O pasado martes 4 de xuño, o día levantouse bastante chuvioso. Menos mal que as nosas ganas de ir de excursión disiparon a chuvia e ao final quedou un día precioso para visitar o PARQUE ARQUEOLÓXICO DA ARTE RUPESTRE en Campolameiro.

Alí aprendemos como facían as súas labores os nosos antepasados, como fabricar fariña, plantar sementes e construir tarros de cerámica. Ademais observamos atentamente os debuxos que nos deixaron nas pedras (petróglifos) e puidemos visitar o museo de interpretación. Entre medias deunos tempo a comer nunhas mesiñas de madeira e ter uns ratiños de tempo libre gozando da natureza. O que máis nos impactou foi a exhibición de lume.
A chuvia volveu xusto no momento de marchar, pero xa non nos importou. Pasámolo xenial e aprendemos moito. Foi un gran día!

VISITA DUNHA AUTORA: ANA ALONSO!

Non nos daba chegado o día en que viñera ANA ALONSO!!! Estabamos impacientes por coñecer á autora dos libros que lemos:

Pero, como é unha autora? As nosas cabezas imaxinaron de todo: loira, morena, con cara de sabia, moi maior, cun lapis na man... E Ana non nos decepcionou!
Como non podía ser doutro modo, ten unha forma de falar que nos encandilou dende o primeiro minuto e estivemos toda a sesión coa boca aberta, atentísimos ás súas historias. Pasámolo xenial coas súas anécdotas e, ao final, asinounos o conto a cada un de nós!
Moitas grazas por vir á nosa Biblioteca! Non deixes de escribir nunca libros tan marabillosos e volve sempre que queras!!!

ACTIVIDADES MAIO E XUÑO

Nestes últimos días de curso, levamos un ritmo frenético con tantas actividades interesantes que nos quedaban por facer. Nesta entrada imos facer un resumo dalgunhas delas.

OBRADOIRO DE CONTOS CON MIRÓ:

Esta actividade consistiu en decorar a parede exterior da biblioteca. Antes era un muro feo e sucio, pero dende que renovamos o Bibliocastelo tiñamos moitas ganas de decoralo. Eliximos a mellor das maneiras: cun contacontos! e para iso nos axudou Esteban, o TARABELO. Neste vídeo podedes ver como foi o proceso.

Agora temos un muro precioso. No facebook de Tarabelos podedes ver máis fotos.

Mil grazas, Esteban!!!

CREACTIVITY:
Un día apareceu no patio do colexio un autobús moi especial. Dentro del, un montón de cousas rarísimas estábannos esperando. Pero... que eran? Pois nada menos que obxectos para experimentar e aprender ciencia!!!
Entre eles había material de robótica, un panel enorme para crear labirintos, desafiamos a lei da gravidade co tubo de aire e, o que máis nos gustou: uns ordenadores para crear as nosas películas con stopmotion! Foi un día xenial😄

REUNIÓN FINAL DE CURSO 1º e 2º

Nesta presentación está a información dada o pasado martes día 21 na reunión de familias que tivo lugar no centro.

 

APADRIÑAMENTOS LECTORES 2019

Hoxe, o alumnado de 1º tivemos unha actividade moi especial. Voltamos ao cole de Infantil para lerlle un conto aos pequeniños do cole. Ao chegar, despois de redescubrir os nosos recunchos favoritos do cole, buscamos unha parella para lerlle as poesías.

O libro elixido foi POEMAS CON PIRULETA (Carlos Fontes e Leandro Lamas), xa que o traballamos moito na clase e como son poemas moi bonitos e con ilustracións coloridas, aos peques encantoulles. 

Ademais, fixémoslles uns debuxos coas ilustracións dos nosos poemas favoritos e eles agasalláronnos con outros.

Ao final da actividade as profes tiñan unha sorpresa: unha PIRULETA para cada un de nós.

Foi xenial!!!

Podedes ver máis información neste enlace: LARETASDEBUEU

MOCHILAS VIAXEIRAS

Xa queda pouquiño para rematar un curso onde o máis representativo foi a reapertura da Biblioteca, actualizada, renovada e chea de espazos para aprender de distintos xeitos. 

E como a biblioteca non é só un lugar pechado, unha pequena parte dela saíu ás nosas casas dentro das MOCHILAS VIAXEIRAS. 

Canta ilusión tiñamos porque nos tocara a semana de levar a mochila á nosa casa!!! E despois na clase, contarlle aos compañeiros cal foi o noso libro preferido ou ensinarlles algo do que aprendemos cos libros.

Tedes aquí unha pequena mostra das reflexións que quedaron escritas nas libretas das Mochilas Viaxeiras. Ata pronto!

CORRELINGUA

O 2 de maio fomos a Cangas para participar no Correlingua do Morrazo en compañía de miles de nenos e nenas doutros coles da nosa contorna. Alí fixemos un percorrido polas rúas lucindo as palabras galegas que decoraban as nosas camisetas (este ano, relacionadas co tema dos dereitos humanos) e falando e cantando en galego. Despois chegamos a unha explanada onde merendamos e escoitamos o manifesto do Correlingua. Finalmente UXÍA LAMBONA E A BANDA MOLONA, un grupo de música infantil en galego, nos agasallou cun concerto no que gozamos moito.
Podedes ver máis información neste enlace: CORRELINGUA

XOGANDO A APRENDER A APRENDER

XOGANDO EN EF CO ALUMNADO DE 6º

O xoves día 9 os nenos e nenas  de 1º tiveron uns mestres e mestras de EF moi novos, nada menos que os rapaces e rapazas de 6º de primaria! Compartiron xuntos unha sesión especial de clase no ximnasio da escola. O alumnado de 6º, asesorado pola profe Silvia, creou de xeito cooperativo uns materiais de xogos con obxectos de refugallo. A clase comezou distribuíndo en forma de circuíto os materiais dos xogos por todo o espazo, a continuación colocáronse por equipos maiores e pequenos onde uns facían de mestres e outros de alumnos, ao final comentaron con alegría e entusiasmo a experiencia vivida. No vídeo pódese ver un pouquiño!

CONTOS CON VALORES

CONTOS CON VALORES

O alumnado de 1º traballou  na clase de valores sociais e cívicos o conto "POR CATRO ESQUINITAS DE NADA" de Jérôme Ruillier. Despois de ler e comentar o conto conseguiron, en diferentes sesións e en equipo, ilustralo e tamén escenificalo. Como final de tarefa, gravaron  un audio e  crearon un vídeo para darlle máis visibilidade á  Igualdade e a Diferenza entre as persoas. 
Este traballo gustoulles moito!!!

METEOESCOLAS 2019

Durante os meses de marzo e abril, o alumnado de 1º estivemos recollendo os datos da estación meteorolóxica. Tivemos a sorte de atopar todo tipo de fenómenos meteorolóxicos: chuvia, vento, sarabia, trebóns, arco da vella... Observamos tamén a lúa e aprendemos as súas fases.

Finalmente, rexistramos todos os datos no recuncho do Bibliocastelo destinado ás Meteoescolas. Gustounos tanto observar o tempo que estamos desexosos de que a Meteocaixa volva ás nosas aulas.