CORRELINGUA

O 2 de maio fomos a Cangas para participar no Correlingua do Morrazo en compañía de miles de nenos e nenas doutros coles da nosa contorna. Alí fixemos un percorrido polas rúas lucindo as palabras galegas que decoraban as nosas camisetas (este ano, relacionadas co tema dos dereitos humanos) e falando e cantando en galego. Despois chegamos a unha explanada onde merendamos e escoitamos o manifesto do Correlingua. Finalmente UXÍA LAMBONA E A BANDA MOLONA, un grupo de música infantil en galego, nos agasallou cun concerto no que gozamos moito.
Podedes ver máis información neste enlace: CORRELINGUA

CORRELINGUA 2018

O venres 4 celebramos en Bueu o CORRELINGUA do Morrazo. Nesta nova edición tocounos ser os anfitrións polo que nos puxemos moi elegantes coas nosas camisetas brancas decoradas con alimentos ou con utensilios de cociña, as nosas gorras, e unhas chapas e mochilas coas que nos agasallaron e que levan o lema: A LINGUA NON PARA.

Despois de xuntarnos coa rapazada dos outros coles do Morrazo, fixemos unha marcha arredor de Bueu e despois gozamos do concerto de Paco Nogueiras coa súa Radio Bulebule na praza Massó. Cantamos e bailamos un montón, iso sí, en galego!

VII CORRELINGUA DO MORRAZO

Hoxe, o alumnado de 1º fomos ao CORRELINGUA: unha marcha a favor da Lingua Galega. Este ano celebrouse en Moaña e alí fomos, xunto cos compañeiros do cole e doutros coles. Xuntámonos alí case 3000 escolares!

Ao longo da marcha coreamos o lema deste ano: En galego sen cancelas, falan eles, falan elas! 

Vestímonos cunhas camisetas brancas decoradas cos adhesivos que fixemos na clase os días previos. Puxémonos tamén unhas chapas e unha gorra coa que nos agasallaron.

E así vestidos camiñamos, rimos, cantamos e bailamos ao compás da banda de Pablo Díaz co seu TicTacToc e sobre todo, reclamamos a nosa lingua: o galego!

 

CORRELINGUA 2015

Hoxe foi un día importante, xa que celebramos o CORRELINGUA polas rúas de Bueu. Consiste nunha marcha, a posterior lectura dun manifesto e actuacións en directo a prol da nosa lingua: O GALEGO, acompañados de uns 2000 alumnos e alumnas de centros educativos do Morrazo.

Para tal evento, vestímonos para a ocasión cunha camiseta decorada por nós coa nosa palabra galega preferida. Colgámonos unha chapa co lema: CREA GALEGO e fixemos uns marcapáxinas en goma eva para agasallar a quen queiramos e compartir deste xeito simbólico a nosa lingua cos demáis.

Ao chegar ao cole, debuxamos a portada do disco BRINCA VAI de PACO NOGUEIRAS, que foi o artista invitado, mentres cantamos as súas cancións. 

Foi unha xornada chea de emocións, bicos, apertas e reencontros.

CORRELINGUA

Hoxe celebramos o CORRELINGUA polas rúas de Bueu. Trátase dunha marcha de escolares dos centros do Morrazo reivindicando a nosa lingua e cultura. Este ano tiña como lema: O GALEGO, SEMPRE UN PASO ADIANTE.
Un ano máis reunímonos todos na praza do Concello e fixemos o percorrido a ritmo de cantigas tradicionais: "A rianxeira", "Ven bailar Carmiña" e "A saia da Carolina". Así foi moito máis ameno. Ao chegar de novo á praza tomamos unha parva e de seguido empezou o concerto de Pablo Díaz e a súa banda, onde cantaron cancións dos seus discos "Tic-tac" e "Toc-toc".
Durante toda a mañá levamos postas as nosas camisetas decoradas con palabras en galego e un broche que fixemos na clase en forma de bocadillo de cómic coa mensaxe: PRÉNDETE AO GALEGO.
Se queredes ver todas as imaxes deste día, premede neste vídeo.


Para ver máis información e imaxes sobre este día, podedes visitar o blog da biblioteca:
BIBLIOCASTELO.

IV CORRELINGUA DO MORRAZO

Hoxe celebramos o CORRELINGUA, unha marcha en favor da lingua galega, onde os dorsais das camisetas son as nosas palabras preferidas do galego. Este ano celebrouse en Bueu baixo o lema: O GALEGO, A CHAVE DO MUNDO.

Xa levabamos uns días preparando as camisetas decorándoas cunha palabra relacionada coa natureza. Esta mañá puxémolas xunto cunhas pañoletas e saímos do colexio. Cando chegamos á praza do Concello xa nos estaban esperando os rapaces doutros coles do Morrazo e despois de agardar un anaquiño, comezou a marcha polas rúas de Bueu. Cando rematamos o percorrido tomamos a merenda e escoitamos o manifesto. A continuación comezou o concerto amenizado por LUIS PREGO quen nos animou a cantar e bailar danzas tradicionais galegas, entre elas as que tanto tiñamos practicado "Don Melitón" e "O señor da serra". Rematamos algo cansos pero aínda quedaron folgos para voltar ao cole.

Agradecemos moito o traballo das profes organizadoras (Geli, Goretti...) e das nais que nos acompañaron durante toda a mañá. Podedes ver a noticia na prensa premendo neste enlace: FARO DE VIGO  

Podedes ver máis fotos e vídeos sobre o CORRELINGUA nos seguintes enlaces:

BIBLIOCASTELO A PEDRA

ENREDEMOS

SEGUNDO CICLO NA PEDRA

TRASNOS A PEDRA

III CORRELINGUA DO MORRAZO

Onte fomos celebrar o Correlingua que nesta 3ª edición celebrouse en Moaña. Saímos do cole en autobús xunto cos nenos de 3º e 4º curso e infantil de 3 anos. Unha vez alí, xuntámonos cos nenos doutros coles do Morrazo: Cangas, Bueu, Marín e Moaña. Despois chegou a marcha, na que fixemos moito balbordo coas nosas botellas decoradas. Cando chegamos á praza do palco da música merendamos, tomamos leite e por fin... o concerto de PESDELÁN! Cantamos e bailamos ao son da música e pasou o tempo voando.