EXCURSIÓN FIN DE CURSO 2019

O pasado martes 4 de xuño, o día levantouse bastante chuvioso. Menos mal que as nosas ganas de ir de excursión disiparon a chuvia e ao final quedou un día precioso para visitar o PARQUE ARQUEOLÓXICO DA ARTE RUPESTRE en Campolameiro.

Alí aprendemos como facían as súas labores os nosos antepasados, como fabricar fariña, plantar sementes e construir tarros de cerámica. Ademais observamos atentamente os debuxos que nos deixaron nas pedras (petróglifos) e puidemos visitar o museo de interpretación. Entre medias deunos tempo a comer nunhas mesiñas de madeira e ter uns ratiños de tempo libre gozando da natureza. O que máis nos impactou foi a exhibición de lume.
A chuvia volveu xusto no momento de marchar, pero xa non nos importou. Pasámolo xenial e aprendemos moito. Foi un gran día!

ALIMENTÁNDONOS NO GROVE!

E chegou o esperado día da excursión para o alumnado de 2º! 

O martes 5 de xuño chovía, pero aínda así decidimos ir ao Grove. Fixemos moitas actividades e volvemos ao cole xa pola tarde. Ao día seguinte, os nenos e nenas escribiron o que fixeran ese día. Podedes ver aquí o resultado:

"O cinco de xuño fomos á Illa da Toxa. Fomos a un mueso, despois a un acuario, vimos moitas especies de peixe, foi marabilloso. Despois fomos merendar a un catamarán. Puxéronnos música e bailamos moito. Logo fomos a un pavillón a comer. Xogamos á corda e Pablo, Elema e máis eu comemos xuntos. Pola tarde fomos a un tren, pasamos pola ponte da Toxa. Vimos burriños, tamén hoteis de luxo, fomos á igrexa de cunchas, preto a ela había unha tenda de xabóns. A continuación entramos e vimos moitísimos xabóns. Despois fomos ao autobús e marchamos. Foi un día estupendo e xenial."
Carla, 2º A.

"O día 5 de xuño na excursión de final de curso fomos a unha fábrica de peixes antiga onde había persoas traballando, logo fomos a un acuario e puidemos tocar as estrelas de mar. Despois, fomos a montar nun catamarán. Xogamos e tomamos mexillóns. Logo fomos a un pavillón a xogar e a comer. Tamén fomos a unha igrexa para relaxarnos un pouco, máis tarde fomos a un museo. Cando terminamos de velo xogamos á roda e ao pasemisí e ao final montamos nun tren. No tren vimos catro borriquiños, dous eran bebés dun ano e eran preciosos! Vimos moitos hoteis de ricos e parecían moi luxosos e para terminar pasamos por unha ponte moi longa e fermosa. Podíase ver o mar e a pequena illa da Toxa e na ponte pedimos un desexo."
Elena, 2º A.

E aquí o resumo gráfico dese día da man de André, Anxo e Natán de 2º B:

Excursión fin de curso

O curso está rematando e os nenos e nenas de primeiro xa fomos a excursión de fin de curso; este ano tocou a Área da Natureza A Xesteira, no concello de A Lama; foi un día completo, fixemos múltiples actividades como podedes ver nas fotos, dende tirolina, escalada, espeleoloxía, manualidades, etc. A pena foi a choiva que apareceu despois da comida e obligounos a cambiar algún plan.
Pasámolo moi ben e xa estamos a pensar na do vindeiro ano.

EXCURSIÓN DE FIN DE CURSO

Os nenos e nenas de 1º fixemos case o mesmo percorrido que os de 2º nun horario diferente.

Ás 10 da mañá fomos ao museo, ao Sexto edificio, como somos tantos separáronnos en dous grupos,  1ºA fomos con Luís e 1º B con Paula. A visita polas diferentes salas resultou moi interesante, vimos pintura, escultura, mobles, xoias… Encantounos a historia do tesouro de Caldas de Reis (achado moi importante que se conserva no museo), a “lectura” do escudo que había no sepulcro de Suero Gómez de Sotomayor, os mobles tan decorados, os cadros de paisaxes, os retratos, as miniaturas e tamén cando todos nos convertemos nunha escultura de museo.

Para rematar a visita agasalláronnos cun libro: “Os BOLECHAS coñecen a Castelao no Museo de Pontevedra”. Estivo xenial!

Ao redor das  11h. fóra xa do museo, merendamos para comezar con forza o percorrido polas rúas e prazas máis antigas de Pontevedra acompañados do guía Roberto que sabe contar as cousas da cidade dun xeito especial.

Preto da unha do serán, montamos no autobús e fomos para o Parque dos Sentidos en Marín. Mentres esperamos polos compañeiros de segundo, xogamos, mollámonos e descansamos. Logo todos xuntos comemos sentados no escenario do auditorio. Sen sequera rematar, recollemos axiña e fomos desgastar enerxía tirándonos polo gran tobogán que hai no parque. Todos o estabamos desexando!

 A parte máis sosegada da xornada chegou coa sesión de cine en Seixo coa película “Richard, la cigüeña” e a visita a sala de máquinas de proxección. 

Foi un día de escola para lembrar!

UNHA EXCURSIÓN INOLVIDABLE!!!

  O martes 6 de xuño deixamos soíño o cole de A Pedra. Por que? Marchamos de excursión!!!

10:00 Iniciamos o día cun roteiro polo casco vello de Pontevedra. Roberto, o noso guía, explicounos cousas curiosas sobre edificios e prazas. Queredes saber alguna? 

11:10 Chegamos ata o Museo do 6º, chamado así porque o Museo de Pontevedra está composto de 6 edificios e ese, foi a última parte en construirse. Que fixemos? Un xogo de pistas. Estivemos buscando o sepulcro de Suero, una mesa antiga, o cadro dunha nena con xoguetes, paisaxes marabillosas e a estatua dun home chamado Lázaro. Por un momento nós tamén quedamos de pedra!

Antes de rematar a visita, ensináronnos o violín de MANUEL QUIROGA. Que ilusión!

12: 45 Saímos correndo e SORPRESA!!! Entramos no Estadio de Pasarón.

14: 00 Hora de comer,  chegamos ao Parque de Briz en Marín.

  

15h40: Hai que marchar. Si. Outra vez a correr. Baño. Mochila. Autobús. Cine.

  18:30 Remata a aventura!

SAÍDA PONTEVEDRA

O xoves 3 de marzo, o alumnado de 1º e 2º, saímos de excursión a Pontevedra. 

Primeiro fomos visitar o PAZO DE LOURIZÁN onde Agustín explicounos con moita paciencia a historia do magnífico Pazo e sobre todo o marabilloso xardín botánico que conserva.

Esta é a fonte dos espellos.

Esta palmeira chamounos a atención por ter as raíces dentro da fachada do Pazo.

Para facer esta mesa de pedra de 6 metros, trouxeron unha soa peza de granito da Illa de Ons. Aquí celebraba Montero Ríos reunións importantes, pois chegou a ser presidente do goberno.

Esta árbore é unha sequoia, chamounos a atención a súa corteza pois parece pelo e por iso chámanlle árbore mamut. Esa pel é ignífuga. Esta era unha cría, só tiña 80 anos.

Atravesamos pontes e charcas para poder chegar á cova da fervenza, entramos dentro dela pero non tivemos medo do ogro!

Nos xardíns do Pazo de Lourizán hai unha estación meteorolóxica, máis completa ca do noso cole, tiña barómetro, anemómetros e 3 pluviómetros!  A recollida deses datos é automática e chega a Meteogalicia diariamente.

Tomamos unha parva ao lado dun hórreo grandísimo que hai alí con vistas á ría de Pontevedra.

Despois montamos nos autobuses, que nos levaron a Pontevedra, ao auditorio de AFUNDACIÓN, para ver á compañía FANTOCHES BAJ co seu espectáculo de teatro-musical RODARIRRODARI. 

Ao finalizar volvimos a Bueu e chegamos á hora de marchar a comer. Foi un día estupendo!