BLOG DE 1º E 2º CURSOS DO CEIP PLURILINGÜE A PEDRA DE BUEU

BLOG DO 1º E 2º CURSOS DO CEIP PLURILINGÜE A PEDRA DE BUEU

viernes, 21 de diciembre de 2012

POSTAIS NAVIDEÑAS

Todas as familias do centro participaron  cunhas estupendas postais para conmemorar o Nadal no centro. Con todas elas fixemos unha exposición na entrada do colexio. As de 1º de primaria quedaron así. Grazas a todas as familias!!!

jueves, 20 de diciembre de 2012

SORPRESAS DE NADAL

Esta semana os nenos de 1º recibimos unha gran sorpresa: unhas postais de Nadal das que foron as nosas profes en Infantil (Tania e Xisela). Fixéronnas xunto cos seus novos alumnos e enviáronas. Fíxonos moita ilusión saber que aínda se lembraban de nós.






Despois de lelas, pensamos que nós debiamos responder con outras postais. E como as profes nos contaron o conto do Apalpador na Biblioteca, fixemos uns debuxos e con eles preparamos unhas postais xigantes.





A última e mellor das sorpresas é que hoxe chegou Fina a recoller as tarxetas xigantes e veu visitarnos. Encantounos volver a vela, xa que sempre se portou xenial con nós. Ata sempre Fina... e FELIZ E APALPADOR BO NADAL!

jueves, 13 de diciembre de 2012

RECITANDOCELSOEMILIO

12 do 12 do 2012 ás 12h., participamos na actividade colectiva: RECITANDOCELSOEMILIO.
Premede no enlace para ver o que fixemos.

Tamén podedes ver este outro enlace:
Trasnos da Pedra. 
Comprobade neste vídeo o recitado dos versos do poema  DEITADO FRONTE AO MAR de Celso Emilio  Ferreiro. Que ben nos saíu!!!

sábado, 1 de diciembre de 2012

VISITA AO MUSEO MASSÓ

Esta semana fomos visitar o Museo Massó. O mércores foron os compañeiros de 2º e o xoves os de 1º. Ao chegar separámonos por clases e mentres uns facían un xogo de pistas chamado "Na busca do tesouro", os outros ían visitar as embarcacións tradicionais ao peirao e facían un breve percorrido pola planta baixa do museo. O obradoiro foi o que máis nos gustou e alí aprendemos quen foron os primeiros que deron a volta ao mundo, como se chamaban as súas embarcacións e ata cheiramos algunhas especias. Moitas grazas a Elena, Pirafeta, Magalhaes e Elcano!












sábado, 24 de noviembre de 2012

25 de novembro: DÍA DA NON VIOLENCIA CONTRA A MULLER

O 25 de novembro celébrase o Día Internacional da Non Violencia contra as mulleres e os nenos de 1º curso fomos invitados a ir ao Concello a ler un manifesto. Preparamos unhas pancartas moi coloridas e onte fomos de manifestación polas rúas de Bueu ata chegar ao Concello. Alí, 10 representantes leron o manifesto e outro entregouno ao Alcalde quen fíxonos un agasallo para cada aula por participar no acto. Como foi un acto moi importante, hoxe saímos na prensa: mirade este enlace.
Se queredes escoitar o manifesto, premede os vídeos. Podedes tamén ver as fotos deste día.

















sábado, 17 de noviembre de 2012

A NOSA PRIMEIRA SAÍDA


O martes tivemos a 1ª saída do curso. Para os peques de 1º era a súa 1ª saída na Primaria e estaban moi nerviosos...
Fomos a Pontevedra  a ver un teatro de monicreques chamado TITIRICIRCUS, da compañía TANXARINA. Consistiu nun circo de títeres onde aparecían os pallasos, o home forzudo, o faquir, o que saltaba en monociclo, etc.
Pasámolo moi ben e xa estamos desexando que chegue a seguinte saída.
Ata pronto!

miércoles, 7 de noviembre de 2012

MAGOSTO

Achégase o San Martiño, e con el o Magosto: a festa das castañas. Onte celebrámolo no cole con xogos populares: lanzamento de castañas, carretillas, a castaña agochada e o xogo dos ourizos. Pasámolo moi ben e para finalizar enchémonos de comer castañas asadas. Humm, que ricas estaban!

lunes, 5 de noviembre de 2012

CONCERTOS EN FAMILIA

O segredo do valOnte, domingo 4 de novembro, celebrouse en Pontevedra o Concerto en familia onde participaban os nenos de 1º curso ilustrando as esceas de PEDRO E O LOBO que interpretaba a Orquestra Filharmónica Cidade de Pontevedra xunto con Eva, a súa narradora. O concerto resultou un éxito, os membros da Orquestra alabaron os nosos debuxos e nós gozamos moito con esta colaboración, que esperamos, non sexa a última.







Se queredes ver ou ler o conto, premede aquí:

SAMAÍN TERRORÍFICO

O mércores 31 de outubro o noso colexio encheuse de bruxas, vampiros, momias... e moitos seres terroríficos!
Chegaba o SAMAÍN e, para celebralo, o alumnado trouxo cabazas incriblemente ben decoradas, moitas delas inspiradas nos personaxes dos contos clásicos. Houbo contacontos de medo, como o que quixo compartir Damián cos seus compañeiros de 1ºB "Corre, corre calabaza" ou como a historia medorenta que nos contou o pai de María Rosales aos nenos de 1º curso (Grazas Toño!!!). No Bibliocastelo puxeron unha CAIXA DOS MEDOS onde cada neno metía unha folliña onde escribía e debuxaba algo que lle dera medo. E por se isto fora pouco, na entrada do colexio medrou unha TEA DE ARAÑA xigante da que colgaban morcegos, bruxas, cabazas e pantasmas que tiñan escritas cousas que daban moito moito medo.
Ufff, que día tan terrible, menos mal que despois tivemos uns días para descansar...

jueves, 25 de octubre de 2012

CONCERTO DE MÚSICA TRADICIONAL

Hai uns días tivemos a visita do grupo Retrouso, que nos ensinou os instrumentos tradicionais da música galega, cantáronnos melodías populares e bailamos danzas galegas. Ao final fixeron un concurso e regalaron camisetas aos que adiviñaron.
Grazas Retrouso, pasámolo moi ben!



ANIVERSARIO DE PAPIRUS

Onte 24 de outubro celebramos o "DÍA DAS BIBLIOTECAS ESCOLARES", que coincide co ANIVERSARIO DE PAPIRUS: a mascota da nosa biblioteca.
Cando fomos ao Bibliocastelo a felicitalo levamos unha gran sorpresa: estaba Papirus e contounos un conto!!! Como este ano estamos traballando os contos populares contounos "Os tres porquiños". Algún de nós tiña un debuxo para agasallar a Papirus e el deunos tamén un agasallo: unha bolsiña de lambetadas. Cantámoslle o "Cumpleaños feliz" e despois fixémonos unha foto xuntos con el.
Despois, nas clases, fixemos debuxos sobre o conto que nos contou.
PARABENS PAPIRUS E ATA O PRÓXIMO ANIVERSARIO!






LinkWithin

Related Posts Plugin for WordPress, Blogger...