ÚLTIMA SEMANA DE CURSO

Ufff! Que vida tan ajetreada! Esta última semana do curso 2018-19, foi moi intensa. Participamos en moitísimas actividades, algunhas feitas por nós e outras ás que nos invitaron.
Mirade, mirade...

Asistimos como público ao teatro "CHÍMPATE PEPA", interpretado polo alumnado de 3ºB.

Asistimos tamén á función de fin de curso que realizaron como despedida os compañeiros de 2º. Fixeron moitísimas cousas, teatro, baile, linguaxe de signos, coreografías... Estivo xenial!

Ademais, o último día de clase houbo unha exhibición de TAEKWONDO na que participaron moitos dos nosos compañeiros: Manuel, Iván, Daniel, Anxo Lemos, Lola, Kidist, Xaquín, Iago, Elisa...

Para finalizar o acto houbo unha entrega de premios aos nenos e nenas que acertaron as preguntas do concurso: QUE SABES DE ANTÓN FRAGUAS?

Os premiados foron: 
1º E.P.. Alexandre Calviño Millán, Noa Cordeiro Piñeiro, Pablo Verde Castro e Anxo Lemos Taboada. 
2º E.P.: Valeria García Verde, Eloy Araujo Patiño, Mariña Santiago Pazó e Carmen Pazó Rodríguez.
Noraboa a todos eles!!!

E como colofón final, tomamos unha merendola nas clases e as profes nos agasallaron cunha tarta de chuches para todos!!! Foi un final de curso moi doce😋

FELIZ VERÁN A TODOS E TODAS!!!

DÍA DAS LETRAS GALEGAS

Como mañá día das Letras Galegas é festivo, hoxe fixemos no cole un acto en honor á lingua galega e á autora homenaxeada este ano: Mª Victoria Moreno. 

O alumnado de 1º e 2º participamos no mural SOPA DAS LETRAS GALEGAS cunha estrofa do libro "Eu conto, ti cantas" e despois recitámola no acto conxunto cos compañeiros de primaria no que rematamos cantando "Galicia", de Manuel María e o "Himno galego" ante a alfombra que fixeron os maiores do cole.
 

MENUDO DÍA!!

  Onte celebramos por adiantado o Día das Letras Galegas. A verdade, foi toda unha festa da lingua: cantamos, bailamos e lemos en galego extractos das nosas historias favoritas de Carlos Casares.


Todos sentadiños no patio, iniciamos a festa cos rapaces e rapazas de 4º, 5º e 6º tocando o himno galego coa frauta. Menudo cariño lle puxeron! 

                          

Logo, cada clase foi contando ou lendo acerca do homenaxeado deste ano. 

Preparando os instrumentos coa profe Nuria.

O alumnado de 1º B resumiu "O can Rin e o lobo Crispín" 

Dous alumnos de 1ºA en representación dos seus compañeiros contaron, ao seu xeito, as aventuras do libro "Lolo anda en bicicleta" 

Mateo de 2ºA lendo un extracto da Bomba da Felicidade.

Noara, Leire e Héctor de 2ºB leron o conto da Formiga Esquiadora.

A nosa compañeira Carlota acompañou ao grupo tradicional Manxadoira coa súa pandeireta.

Para rematar, cantamos ao son das gaitas o himno e bailamos e bailamos ata caer de cu.

                                             

O DÍA DE CARLOS CASARES

 

 O xoves foi un día ben completo... Primeiro, asistimos a unha animación sobre Carlos Casares co bardo Abelardo.

   Os rapaces e rapazas de 2º e 3º aprenderon sobre a vida deste autor e desmostraron canto sabían sobre os seus libros: As Laranxas máis laranxas de todas as laranxas, a Galiña Azul, o can Rin e o lobo Crispín e as aventuras de Toribio. Todo isto amenizado cun acordeón! Que ben o pasaron todos!

Pero, isto non remataba aí... xa que baixamos ao Centro Social do Mar e asistimos á representación do libro sobre o noso animal favorito: A Galiña Azul.
 En escena atopamos a Ana, a nena que emigrou; a Leoncio, a Xabier, o neno loiro e traste; a Lorenzo, ao alcalde Manolito Listón, ao garda de tráfico e a veciña.

O BARDO ABELARDO

Hoxe, por cortesía do Consorcio Editorial Galego, veu visitarnos Servando Carreira (O bardo Abelardo) 

Primeiro nos contou a vida de Carlos Casares apoiándose nunha presentación, despois leunos a introdución do libro "A galiña azul" e, finalmente, sacou o seu acordeón e ensinounos unhas cancións divertidísimas acompañadas de xestos que nos puxeron a todos de pé, cantando e bailando. A da bicicleta encantounos!😄

 

 

 

CORRELINGUA 2015

Hoxe foi un día importante, xa que celebramos o CORRELINGUA polas rúas de Bueu. Consiste nunha marcha, a posterior lectura dun manifesto e actuacións en directo a prol da nosa lingua: O GALEGO, acompañados de uns 2000 alumnos e alumnas de centros educativos do Morrazo.

Para tal evento, vestímonos para a ocasión cunha camiseta decorada por nós coa nosa palabra galega preferida. Colgámonos unha chapa co lema: CREA GALEGO e fixemos uns marcapáxinas en goma eva para agasallar a quen queiramos e compartir deste xeito simbólico a nosa lingua cos demáis.

Ao chegar ao cole, debuxamos a portada do disco BRINCA VAI de PACO NOGUEIRAS, que foi o artista invitado, mentres cantamos as súas cancións. 

Foi unha xornada chea de emocións, bicos, apertas e reencontros.