A última semana antes de dar comezo as vacacións do Nadal os nenos e nenas de segundo curso representamos unha sinxela obra de teatro "MISTERIOSA DESAPARICIÓN" para compartila entre nós. Unhas veces faciamos de espectadores e outras faciamos de artistas. Aquí queda unha pequena mostra.
Nas semanas previas ás vacacións, o alumnado de 2º preparamos moitas actividades relacionadas co Nadal. Unha delas foi a portada da carpeta coas fichas do trimestre. Nesta ocasión decoramos unha árbore de Nadal con alimentos variados. Mirade que saborosos quedaron!
Onte fomos ao concerto do grupo Odaiko chamado Circopeta, no auditorio de Afundación en Pontevedra, gustáronnos moito os instrumentos da familia de percusión que empregaron con distintos materiais, como caldeiros, botellas, vasoiras... Foi moi divertido e interesante.
O alumnado de 2º despois paseamos pola Illa das Esculturas. Mirade no vídeo que ben o pasamos e canto aprendemos!
Os nenos e nenas de primeiro tamén fomos á exposición Wild Life no Café Moderno, tivemos un obradoiro onde fixemos unha araña e despois ensináronnos moitas cousas dos animais salvaxes que alí había expostos en fotografías. Pasounos a mañá voando!
Todo o alumnado de 2º estamos despertando os sentidos do noso corpo con diversas experiencias que realizamos na escola.
No ximnasio e coordinados pola profe Goretti dedicámonos a identificar formas, texturas, temperatura e dureza de diferentes obxectos que tocamos cos ollos pechados seguindo as instrucións orais dadas por un compañeiro ou compañeira. OÍDO E TACTO DEBEN ESTAR MOI AGUDIÑOS!!!
Mentres tanto, na aula de ciencias, acompañados polas nosas titoras, estimulamosO GUSTO, O OLFACTO E TAMÉN O TACTO intentando ler no alfabeto BRAILLE, ulindo substancias agradables e desagradables, probando diferentes sabores e percibindo a sensibilidade da dor na pel segundo sexa na man ou no antebrazo. Tamén identificamos as partes dos órganos dos sentidos (ollo, oído, pel, lingua) grazas as maquetas que hai na aula.
Xa coñecemos un poquiño máis do mundo do noso redor grazas aos 5 SENTIDOS.
O venres 10 de novembro dous integrantes da Asociación Cultural Retrouso, Andrea e Miguel, viñeron a darnos un concerto didáctico con instrumentos tradicionais como a gaita e a pandeireta. Tamén nos ensinaron algúns pasos de bailes galegos, que non nos saíron mal de todo como podedes ver nas seguintes fotos.
Achégase o San Martiño, tempo de magostos, e no cole da Pedra celebrámolo con xogos populares no patio e como non, comendo moitas, moitas castañas asadas. Estaban boísimas aínda que os nenos dixeron que as que facía Ramón sabían mellor. Aquí tendes un vídeo e algunhas fotos do ben que o pasamos.
O 31 de outubro celebramos O Samaín, que como di a canción de Mamá Cabra noutros sitios lle chaman Halloween. Os nenos viñeron terrorificamente vestidos ao cole e así de guapos posaron diante da exposición de cabazas. Unhas cabazas que quedaron "chulísimas" e unhas máis apetitosas que outras. Moitas grazas ás familias pola súa colaboración.
Podedes ver moita máis información e imaxes no blog do Bibliocastelo e Enredemos, onde hai un vídeo precioso. Non volo perdades!!!
