O martes os nenos e nenas de primeiro tivemos unha saída á praza de Bueu, onde puidemos contemplar a gran variedade de peixes e mariscos, tanto de altura como de baixura.
Os praceiros e praceiras explicáronnos moitas curiosidades, tiveron moita paciencia con nós, e ata nos regalaron piardas. Algunhas das cales abrímolas na clase, outras coméronas as gaivotas no patio e ata houbo algunha que chegou as tixolas das nosas casas.
Aquí tendes unha pequena mostra do ben que o pasamos.
Estes días andamos a voltas coas regras, os metros, os palmos, os pes... todo para traballar as medidas. Hoxe medímonos todos, foi moi divertido e aprendemos moito.
Como xa sabedes, no cole estamos a aprender as partes do noso corpo, xa case as sabemos todas e hoxe escribímolas nestes preciosos murais, que fixemos en equipo.
O venres 23 de febreiro quixemos achegarnos un pouquiño máis á obra de Rosalía coa fin de homenaxeala no día do 181 aniversario do seu nacemento. Xuntos recitamos un poema que está relacionado co proxecto de dinamización interna "UNHA ENCHENTE DE CONTOS". Trátase do primeiro poema do libro CANTARES GALLEGOS"HAS DE CANTAR MENIÑA..." Cada un fíxoo dun xeito, pero todos estiveron xenial. Aquí vemos aos grupos de segundo de primaria.
Os de primeiro despois de varias tomas, eliximos estas:
Hoxe para despedir o Carnaval fixemos unha bica na clase e invitamos a todos, como fan os peliqueiros de Laza ó rematar o desfile. Como podedes ver non sobrou nada.
Os alumnos e alumnas de 2º tamén preparamos o noso Entroido con moita emoción. Preparamos disfraces de TARRO DE MEL: coloreando etiquetas, abellas e repasando panais. As familias viñeron ao cole para axudarnos a preparar os disfraces, tamén elaboraron unha maraca en forma de abella e quedaron chulísimas!
Durante a semana fixemos "O Mandadiño", traendo ao cole cada día un complemento divertido e algúns moi inxeniosos.
E finalmente o venres 9 puidemos saír de pasarrúas por Bueu, xunto cos nosos compañeiros de 1º. Todos xuntos interpretamos na carpa da praza Massó a canción da nosa comparsa AS CENORIAS MELOSAS. Quedounos xenial!
Esta semana de febreiro estivemos traballando o Carnaval en diferentes países e como non, en Galicia. Aprendemos moitas cousas dos folións, dos peliqueiros, das mázcaras... coa axuda dos Bolechas e aínda nos quedan moitas por ver.
E o venres chegou o gran día do desfile, despois de recortar tantas cenorias, ollos, bocas... tiñamos medo que a choiva non nos deixara ensinarvos os nosos traxes polas rúas da vila, pero a auga non apareceu incluso en algún momento saíu o sol.
Pasámolo moi ben e chegamos con tanta fame que devoramos todas as orellas, filloas, flores... que fixeran as familias, moitas grazas.
