30 DE XANEIRO DÍA DA PAZ E DA NON VIOLENCIA

Os nenos e nenas de 1º dentro do proxecto MEDRANDO EN VALORES descubrimos que TODOS OS NENOS E NENAS TEÑEN DEREITO A IR A ESCOLA, pero no CHAD un pais de ÁFRICA as escolas son diferentes ainda que os nenos sexamos iguais. Premade no video e comprobarédelo.

OBRADOIROS DA CRUZ VERMELLA

Co gallo do Día da Paz que celebraremos o venres 28, esta semana adicarémola a realizar moitas actividades relacionadas coa Paz. Este ano no centro quixemos dar importancia ao traballo coas ONG, polo que pedimos colaboración a algunha delas.

Os voluntarios da Cruz Vermella viñeron ao cole a impartir uns obradoiros polas clases con moitas actividades: aprendemos a saudar en diferentes idiomas e nos fixeron pensar sobre se todos somos iguais ou non. Tamén nos contaron un conto e fixemos uns colgantes de estrelas e un mural. Foi unha actividade moi divertida!!!

ESCOLA DE FAMILIA

Dentro do proxecto sobre valores que se está a desenvolver no colexio durante este curso, o día 18 de xaneiro tivemos unha charla para as familias co psicólogo José Mª García Janeiro. O tema a tratar foi "A familia como educadora". Agradecémoslle a asistencia aos pais e nais que se achegaron ata o cole para tratar un tema tan importante como é a colaboración entre a comunidade educativa e esperamos lles fose de interese. Ata a próxima!

FESTIVAL DE NADAL

O 22 de decembro foi o Festival de Nadal no Centro Social do Mar de Bueu. Choveu moitísimo e tivemos que ir e volver en bus, menos mal que saiu todo de marabilla! As actuacións foron moi bonitas e divertidas e tanto nós coma as nosas familias disfrutaron moito.

Os nenos e nenas de 1º contáronnos en verso as aventuras de Papirus e Marco Polo e despois danzaron Hoe Ana, unha danza que aprendeu Papirus nas súas viaxes.

Os nenos de 2 A fixeron un conto musical e os de 2 B un baile moi marchoso.

Ao chegar ao cole de novo atopamos unha sorpresa: viñeron a visitarnos os Reis Magos!!! Déronnos unhas lambetadas e finalmente rematou o día cunha merendola cos compañeiros.

Mirade as fotos que nos fixeron!

Merii Kurisumasu! Bo Nadal!

Mostrámosvos tamén os versos ilustrados con imaxes que os nenos e nenas de 1º recitaron sobre as viaxes de PAPIRUS polo lonxano Oriente, onde LENDO coñeceu a un aventureiro incansable MARCO POLO.

PAPIRUS E MARCO POLO

Gústanos moito ver en video as nosas actuacións no festival de Nadal.

More PowerPoint presentations from aSGuest80970

OBRADOIROS NADAL

Hoxe foi un día moi especial: OS OBRADOIROS DE NADAL!!!
Todas as clases do ciclo fomos rotando polos 4 obradoiros do noso corredor: RECREATIVO coa profe Geli; BILINGÜE coa profe Marina; DECORATIVO coa profe Lina e o máis divertido, o PLÁSTICO con 4 nais que nos viñeron a axudar.
Os obradoiros consistiron en facer moitas actividades relacionadas co Nadal como: un Belén de plastilina, decorar un fondo con estrelas, xogar en inglés e facer un mural cun barco precioso. Pasamos toda a mañá moi entretidos, divertímonos moito e vestimos o noso colexio de Nadal.
Moitas grazas ás colaboradoras e... BO NADAL!

MEDRANDO EN VALORES

O noso colexio vai empezar un novo proxecto chamado "MEDRANDO EN VALORES".

Durante este curso vamos a traballar coa nosa familia unha ficha mensual adicada a un valor diferente. Estas fichas viaxan da casa ao cole nunha carpeta que nós mesmos decoramos. Mirade que bonitas quedaron!

Despois, as fichas máis interesantes colgaranse nun mural que hai na entrada do cole e todas as demais polos corredores.

Seguro que despois deste proxecto todos somos mellores persoas!

DÍA DA NON VIOLENCIA

O 25 de novembro celebramos o Día da non violencia. Os nenos de 1º ciclo celebrámolo coa visión da película "Rosa caramelo" e cantamos unha canción para a igualdade que nos gustou moito.
Despois, as titoras fixeron outras actividades, como contarnos o conto da xirafa Timotea ou facer un mural chamado: "Non lle fagas aos demais o que non che gusta que che fagan a ti"