24 DE FEBREIRO: DÍA DE ROSALÍA DE CASTRO

Hoxe é o día de Rosalía de Castro e no cole traballámolo con moitas actividades sobre esta ilustre autora galega. Premede sobre a imaxe e veredes...

Se premades aquí tamén podedes aprender máis sobre Rosalía de Castro.

ENTROIDO

O venres 17 de febreiro celebramos o Entroido disfrazados de rei Arturo co xa tradicional pasarrúas por Bueu, seguido das actuacións na praza do Concello e, de volta ao cole, a merenda dos postres típicos elaborados polas nosas familias (umm, que ricas as filloas, orellas, flores...) Foi un día divertido no que revivimos a Idade Media.

Aquí van algunhas das fotos que fixemos.

Para seguirvos axudando nesta aprendizaxe das táboas de multiplicar, aquí tendes uns vídeos cantados por Miliki. Premede sobre a táboa que queirades escoitar e xa veredes como aprender así é moi divertido!

Táboa do 1
Táboa do 2
Táboa do 3
Táboa do 4
Táboa do 5
Táboa do 6
Táboa do 7
Táboa do 8
Táboa do 9
Táboa do 10

TÁBOAS DE MULTIPLICAR

Estudar a táboa tamén pode ser algo divertido, se premes na imaxe pódela aprender e tamén comprobar canto sabes.

Neste enlace tamén podes aprender a táboa xogando. Non te rindas, este outro enlace xa é un pouco máis difícil, pero seguro que o superas, compróbao!.

CANTIGA DE ENTROIDO

Para amenizar o pasarrúas de Entroido, os nenos e nenas de 1º ciclo cantaremos unha cantiga. A canción elixida é o Pirimpimpin. Aquí podedes ir escoitando a canción para que aprendades a súa melodía. E aquí tendes a letra... ide ensaiando!

CANTIGA ENTROIDO 1º CICLO

CRISIS NON, ESCOLA SÍ,
CON ESFORZO E CON TRABALLO
POREMOS Á "CRISIS" FIN.

Todo o 1º Ciclo
cantaremos unha lenda
a lenda do rei Arturo
que coa axuda de Merlín
fíxose rei de Inglaterra.

CRISIS NON, ESCOLA SÍ,
CON ESFORZO E CON TRABALLO
POREMOS Á "CRISIS" FIN.

O seu mestre foi Merlín
axudoulle a aprender
deulle moita protección,
moitas ciencias lle ensinou,
sabedoría e querer.

CRISIS NON, ESCOLA SÍ,
CON ESFORZO E CON TRABALLO
POREMOS Á "CRISIS" FIN.

Na Idade Media loitaban
por gañar o seu reinado,
en Bueu nós loitamos
por ter boa calidade
nun ensino axeitado.

CRISIS NON, ESCOLA SÍ,
CON ESFORZO E CON TRABALLO

POREMOS Á "CRISIS" FIN

ENTROIDO 2012

Este ano no entroido vainos guiar no noso percorrido a vida da Idade Media, os nenos e nenas do 1º ciclo recrearemos a lenda do REY ARTURO. Para saber máis podedes premar na imaxe

Tamén se premas neste enlace podes ler e respostar moitas preguntas e curiosidades.

CELEBRACIÓN DO DÍA DA PAZ

Para conmemorae o día da Paz o pasado venres 27 tivemos a ocasión de compartir a mañá cuns invitados moi especiais que forman parte da federación de asociacións de persoas xordas de Galicia (FAXPG).
Camilo contounos un conto en lingua de signos ,que é a súa forma natural de comunicación, entre tanto Eva e Liliana facían de intérpretes para que todos nos puidesemos entender.Tamén lle fixemos preguntas a cerca da vida cotiá das persoas xordas , aprendemos a dicir en lingua de signos algunhas palabras e nomes de animais, e a deletrear os nosos nomes cun alfabeto dactilolóxico.
Resultou unha experiencia interesante e moi gratificante para todos.

Moi atentos nun momento da charla.

Poñendo en práctica o que Camilo tentaba ensinarnos.

O luns día 30 fixemos a posta en común de todas as boas noticias que con axuda das nosas familias fomos recopilando ao longo do mes de xaneiro. Pódese ler unha selección delas na exposición que está no corredor do colexio.

Exposición de noticias no corredor do colexio.

Nenos e nenas do 1º ciclo lendo a noticia seleccionada no patio do colexio.

Como despedida cantamos as cancións WHAT A WONDERFUL WORLD e a RUMBA DAS APERTAS, e soltamos POMBAS para que leven, co seu voo, os nosos desexos de Paz por todo o mundo.