VISITA DE JACOBO FERNÁNDEZ SERRANO

Hoxe visitou o Bibliocastelo un autor e ilustrador de cómic galego chamado: JACOBO FERNÁNDEZ SERRANO. É o autor do libro que lemos este trimestre: MARCOPOLA. Este libro é un cómic que nos encantou a todos pola súa historia e debuxos. 

 Jacobo explicounos como fai os seus debuxos, falounos da 2ª e 3ª parte da historia, que xa estamos desexando ler! Debuxounos algúns dos seus personaxes e asinou os nosos libros cun pequeno debuxo para cada un. Ao final pediunos que debuxaramos un compañeiro de aventuras para Marcopola, a illa remeira. Nós agasallamos a Jacobo con dous murais feitos cos nosos debuxos que lle gustaron moito.

Grazas por vir, aprendemos moito contigo!!!
Premede no vídeo para ver as imaxes:

JACOBO FERNÁNDEZ SERRANO by Slidely Slideshow

CORRELINGUA

Hoxe celebramos o CORRELINGUA polas rúas de Bueu. Trátase dunha marcha de escolares dos centros do Morrazo reivindicando a nosa lingua e cultura. Este ano tiña como lema: O GALEGO, SEMPRE UN PASO ADIANTE.
Un ano máis reunímonos todos na praza do Concello e fixemos o percorrido a ritmo de cantigas tradicionais: "A rianxeira", "Ven bailar Carmiña" e "A saia da Carolina". Así foi moito máis ameno. Ao chegar de novo á praza tomamos unha parva e de seguido empezou o concerto de Pablo Díaz e a súa banda, onde cantaron cancións dos seus discos "Tic-tac" e "Toc-toc".
Durante toda a mañá levamos postas as nosas camisetas decoradas con palabras en galego e un broche que fixemos na clase en forma de bocadillo de cómic coa mensaxe: PRÉNDETE AO GALEGO.
Se queredes ver todas as imaxes deste día, premede neste vídeo.


Para ver máis información e imaxes sobre este día, podedes visitar o blog da biblioteca:
BIBLIOCASTELO.

APADRIÑAMENTOS LECTORES

Xa que abril é o mes da lectura e maio o mes da nosa lingua, hoxe fixemos unha actividade que combinaba as dúas cousas: os APADRIÑAMENTOS LECTORES.

Na hora de ler, o alumnado de 2º achegámonos ao colexio de Infantil onde nos agardaba o alumnado de Infantil de 4 anos xunto coas súas profes Tania e Xisela para escoitar os nosos contos.

A historia que lles lemos foi MARCOPOLA, un cómic de JACOBO FERNÁNDEZ SERRANO que estamos traballando este curso. Os rapaces de 4 anos portáronse xenial e escoitaron as aventuras da illa viaxeira con moita atención.

Para rematar cantámoslles a cantiga: A SAIA DA CAROLINA. Eles cantáronnos TOC-TOC de Pablo Díaz e agasalláronnos cun palote para cada un.

O día 22 virán os rapaces de 5º a contarnos un conto a nós, agardamos con impaciencia ese día, mentres tanto... PREMEDE NO VÍDEO!

APRENDENDO AS BALEAS

Hoxe fomos ao Museo Massó a participar nun obradoiro sobre AS BALEAS. Aprendemos moitas cousas sobre a súa pesca, extracción, utilidades da súa carne e graxa... e curiosidades como que en Bueu hai uns anos pescábanse baleas!!!

Tamén visitamos a lancha XEITEIRA, que utilizaban para a salazón e na planta superior vemos instrumentos mariñeiros, diversas representacións do mundo e moitas maquetas de barcos como as carabelas que levou Colón cando descubriu América.

Finalmente fixemos uns debuxos colectivos representando unha balea en cautiverio e outra en liberdade e reflexionamos sobre cal sería máis feliz e porque.

Gustounos moito. Grazas pola visita!
Premede na balea para ver as fotos deste día.

TEATRO EN INGLÉS

Hoxe fomos ao Auditorio de Cangas xunto con outros rapaces e rapazas do Morrazo para ver unha obra de teatro en inglés: THE EMPEROR'S NEW SUIT da compañía "HAZ TEATRING!"

Estivemos traballando o vocabulario e as cancións nas horas de plástica e nas de inglés durante os días previos á actuación polo que alí cantamos e gozamos moitísimo.

Premede neste enlace para ver fotos e vídeos da saída:

http://ourspecialfunnyworld.blogspot.com.es/2014/03/the-emperors-new-suit.HTML

COÑECENDO A GLORIA FUERTES

Hoxe houbo un contacontos especial no BIBLIOCASTELO sobre GLORIA FUERTES. Premede neste enlace para saber máis:

OBRADOIRO DE ILUSTRACIÓN

Hoxe recibimos a visita de dous afamados ilustradores de Bueu: Marc Taeger e Luis Davila. Viñeron invitados pola ANPA a ensinarnos como crear un personaxe de cómic para participar nun concurso que creou a ANPA. Podedes ver as bases do concurso premendo neste enlace:

A primeira parte do obradoiro consistiu nunha charla na que nos explicaron a evolución do cómic e unha presentación cos personaxes de cómic máis característicos. Podedes ver aquí a presentación:

PERSONAXES DE CÓMIC from luisavidalfraguas

Despois cada un deles debuxou un personaxe inventado que podería ser protagonista dun cómic. Mirade neste video como crearon a SUPERPEPUCHA, unha heroina local que pode facer 148 cousas nunha mañá e a PEPE 125, un heroe que pode facer 125 cousas só apretando os botóns do seu mando a distancia.

Foi unha experiencia xenial e estamos todos moi animados a participar no concurso e crear moitos personaxes. Grazas Marc e Luis, volvede cando queirades!