ALIMENTÁNDONOS MOI BEN

Coincidindo coas dúas semanas da froita, nas que puidemos degustar mazá, pera, plátano, piña, amorodos, mandarinas... nas aulas de 2º traballamos a alimentación saudable e fixemos como remate unha pirámide alimenticia por equipos cooperativos.

Se premedes neste enlace poderedes ver fotos e máis información.

PIRÁMIDES COOPERATIVAS

TEATRO EN INGLÉS

O venres 13 fomos ao Centro Social do Mar para ver un teatro en inglés. Alí, "the storytellers" contáronnos varios contos en inglés e como nós sabemos moito e, ademais, eles actuaban moi ben e xesticulaban moito entendemos todo perfectamente. Algúns dos nosos compañeiros saíron voluntarios ao escenario para axudarlles a contar a historia da bela e a besta, fixérono xenial. No vídeo e nas fotos podedes ver o ben que o fixeron.

Despedimos a Tania

Hoxe foi o último día das prácticas da profe Tania, e agasallounos con un lapis e unhas bolsas de flocos de millo que estaban boísimos. Durante estes meses foi de clase en clase axudándonos no noso traballo diario, moitas grazas.

Ímoste botar en falta pero contamos con que nos fagas algunha visita de vez en cando.

ELABORANDO PAN

Durante o mes de marzo as aulas de 2º estivemos traballando o proceso de elaboración dun alimento diario: o PAN. Aprendemos os ingredientes e a forma de elaborar distintos tipos de pan. Como remate a este miniproxecto, visitamos o obrador da panadería Amador. Alí recibiunos Salva (pai de Iván de 2ºA) ensináronnos distintos tipos de fariña, pans de distintas formas ou ingredientes... Ademais amasamos os nosos propios panciños e levámolos para as nosas casas. Encantounos ver o forno, a máquina de fermentar e a cinta transportadora.

Moitas grazas a todos os traballadores de Amador, e sobre todo a Salva. Aprendemos e gozamos moito con vós aínda que chegaramos un pouquiño manchados de fariña!

Somos cociñeiros.

Hoxe como era o último día antes das vacacions de Semana Santa, os nenos de primeiro convertemos a clase nunha cociña, na que fixemos bica, galletas e madalenas; pasámolo tan ben que xa estamos desexando repetir.

Estaba todo tan bo que non quedou nin a proba para as profes; pero como levamos as receitas para a casa agora podemos facelas coa axuda dos nosos pais. 

Gozade moito do merecido descanso.

Moitas grazas Laura

Hoxe foi un día algo triste porque a nosa profe Laura remataba as prácticas e tocounos chorar un pouquiño; ímola botar moito de menos e seguramente ela tamén a nos. Entre todos regalámoslle un coxín cos nosos debuxos impresos para que non nos esqueza. Aínda que sabemos que eso non vai acontecer e nos a ela tampouco. Moitas grazas Laura. Un bico moi forte.

Facendo as carpetas

Esta semana traballamos a reo para facer as portadas das nosas carpetas con todas as fichas do trimestre. A verdade e que nos quedaron moi ben e gozamos moito facéndoas; espero que a vos tamén vos gustaran. Aquí tendes unha pequena mostra dese día.