AXENCIA PUBLICITARIA

Durante este curso, en valores sociais e cívicos traballamos a publicidade. Intentamos comprender as características de elaboración e  creación dos anuncios e tamén  os obxectivos que perseguen para captar a atención dos consumidores. Resultou interesante! Tanto é así que nos convertimos en verdadeiros axentes publicitarios. Mirade o vídeo e comprobarédelo.

UN PLANETARIO NO COLE!

O martes día 31 de maio  levamos unha sorpresa incrible: había un PLANETARIO no cole!!!

Non é broma, a fundación A Caixa prestounos durante unha semana un planetario móbil. Dentro del puidemos ver unha película moi interesante sobre o espazo, onde explicaban cousas tan interesantes como o significado das constelacións do zodiaco, que hai estrelas xigantes ou por que a Semana Santa cambia de datas cada ano...

Ao rematar contamos todas as nosas impresións, que foron moitas e marchamos abraiados. Grazas profe Lina, foi unha actividade xenial!

Se queredes saber máis, premede AQUÍ

REUNIÖN DE FAMILIAS

REUNIÓN FAMILIAS FIN DE CURSO 2015_16

Deixamos aquí a presentación que mostramos o martes día 24 de maio na reunión de familias de 1º e 2º curso de primaria. Esperamos que chegue esta información a maioría de nais e pais. Un saúdo 

Premade na imaxe.

TEATRO

TEATRO MUSICAL NO CENTRO SOCIAL DO MAR

O luns día 23 o alumnado de infantil, primeiro e segundo de primaria asistiron  a un musical do conto que leran na clase de  Manuel María "O bigote de Mimí" 

A representación correu a cargo de Luís Vallecillo e a Banda do Cuberto.  A actuación estivo xenial e o alumnado participou activamente. Aquí queda unha foto da actuación.

 

APADRIÑAMENTOS

APADRIÑAMENTOS CURSO 2015-16

Os nenos e nenas de infantil querían saber do conto que escribiu Manuel María "O BIGOTE DE MIMÍ" que o luns 23 de maio irémolo ver  escenificado e cantado ao Centro Social de Mar de Bueu, polo que decidimos que os mellores CONTACONTOS  para a ocasión eran os rapaces e rapazas de 1º e 2º curso.  
Os nenos e nenas de infantil escoitaron con atención as aventuras do gato MIMÍ narradas polos seus compañeiros e compañeiras de primaria, así que a obra de teatro xa non os pillará de novas.
 Foi unha xornada bonita e así quedou demostrado en fotos.

APADRIÑAMENTOS by Slidely Photo Gallery

PHOTOCALL NA BIBLIOTECA

PHOTOCALL ESPACIAL
Fantástico traballo realizado por algunhas familias do centro, grandes colaboradoras da biblioteca escolar baixo a coordinación da mestra Lina. Crearon un Photocall que converte ao bibliocastelo nun estudo espacial e fai as delicias dos rapaces e rapazas cada vez que visitan o lugar. Aquí queda unha presentación coas caras de gozo do noso alumnado.

 
PHOTOCALL by Slidely Photo Gallery

QUEREMOS Á NOSA PRAZA!

O venres 15 de abril saímos do cole para visitar a nosa praza, a PRAZA DE ABASTOS DE BUEU, para participar no programa QUERE O TEU MERCADO. 

Como chovía un chisquiño, fomos con paraugas, impermeables e botas de auga...

Na praza estábanos agardando Alicia, quen nos amosou posto por posto moitos peixes, mariscos, cefalópodos, moluscos... ensinounos a diferenciar o peixe branco do azul fixándonos na cola, abriu a boca dun peixe sapo que nos impresionou... 

Visitamos tamén os postos de bacallau, panaderías... nas froiterías coñecimos a laranxa borracha, máis escura por dentro que as normais. 

Nas carnicerías, comparamos a cabeza dunha vaca coa dun cordeiro e ensináronnos vísceras coma o corazón e o fígado.

En conxunto resultou unha visita moi interesante e productiva, pero o mellor foi a sorpresa que nos agardaba no primeiro andar, unha merendola con froitas, diferentes pans e bicas. Mmmmm! Acabamos con todo!!!

Ao volver ao colexio, fixemos un debuxo do noso mercado para participar no CERTAME DE DEBUXO "QUERE O TEU MERCADO" organizado pola Federación de Prazas de Abastos de Galicia. Non podemos deixar de agradecer a Alicia e a todos os praceiros o amabeis que foron connosco e mesmo ás persoas de Bueu que estaban comprando naquel momento.
Moi cedo poderedes ver os nosos debuxos expostos na nosa praza, a mellor!