FUNCIÓN DE FIN DE CURSO DE 2º

Aínda que pareza incrible, xa estamos rematando o curso! e o alumnado de 2º quixo compartir coas súas familias e cos compañeiros de 1º e 3º un día especial no Centro Social do Mar de Bueu, onde representaron a obra teatral A NUBIÑA PASCUAL (adaptación de Inmaculada Díaz), bailaron a CANCIÓN DOS PLANETAS de Enrique e Ana, e compartiron xuntos o visionado dun vídeo sobre a excursión Á Xesteira chamado NA ESCOLA... NATURALMENTE! (publicado na entrada anterior EXCURSIÓN FIN DE CURSO)
Observade que ben o fixeron estes rapaces e rapazas!

EXCURSIÓN FIN DE CURSO

O día 7 de xuño saímos de excursión todo o alumnado de 1º e 2º a área da natureza de A XESTEIRA no concello da Lama. O día estivo espléndido e compartimos unha xornada escolar  ao aire libre de xogos, actividades e comida. Foi divertido! Aquí queda unha mostra.

AXENCIA PUBLICITARIA

Durante este curso, en valores sociais e cívicos traballamos a publicidade. Intentamos comprender as características de elaboración e  creación dos anuncios e tamén  os obxectivos que perseguen para captar a atención dos consumidores. Resultou interesante! Tanto é así que nos convertimos en verdadeiros axentes publicitarios. Mirade o vídeo e comprobarédelo.

UN PLANETARIO NO COLE!

O martes día 31 de maio  levamos unha sorpresa incrible: había un PLANETARIO no cole!!!

Non é broma, a fundación A Caixa prestounos durante unha semana un planetario móbil. Dentro del puidemos ver unha película moi interesante sobre o espazo, onde explicaban cousas tan interesantes como o significado das constelacións do zodiaco, que hai estrelas xigantes ou por que a Semana Santa cambia de datas cada ano...

Ao rematar contamos todas as nosas impresións, que foron moitas e marchamos abraiados. Grazas profe Lina, foi unha actividade xenial!

Se queredes saber máis, premede AQUÍ

REUNIÖN DE FAMILIAS

REUNIÓN FAMILIAS FIN DE CURSO 2015_16

Deixamos aquí a presentación que mostramos o martes día 24 de maio na reunión de familias de 1º e 2º curso de primaria. Esperamos que chegue esta información a maioría de nais e pais. Un saúdo 

Premade na imaxe.

TEATRO

TEATRO MUSICAL NO CENTRO SOCIAL DO MAR

O luns día 23 o alumnado de infantil, primeiro e segundo de primaria asistiron  a un musical do conto que leran na clase de  Manuel María "O bigote de Mimí" 

A representación correu a cargo de Luís Vallecillo e a Banda do Cuberto.  A actuación estivo xenial e o alumnado participou activamente. Aquí queda unha foto da actuación.

 

APADRIÑAMENTOS

APADRIÑAMENTOS CURSO 2015-16

Os nenos e nenas de infantil querían saber do conto que escribiu Manuel María "O BIGOTE DE MIMÍ" que o luns 23 de maio irémolo ver  escenificado e cantado ao Centro Social de Mar de Bueu, polo que decidimos que os mellores CONTACONTOS  para a ocasión eran os rapaces e rapazas de 1º e 2º curso.  
Os nenos e nenas de infantil escoitaron con atención as aventuras do gato MIMÍ narradas polos seus compañeiros e compañeiras de primaria, así que a obra de teatro xa non os pillará de novas.
 Foi unha xornada bonita e así quedou demostrado en fotos.

APADRIÑAMENTOS by Slidely Photo Gallery